V Съезд Қазақстанның діни және мәдениетаралық диалог үшін жаһандық алаң ретіндегі рөлін ерекше көрсетті. Оның маңызы бірнеше негізгі аспектілерде көрінеді:
Әлемдік көшбасшылар мен халықаралық ұйымдардың қатысуы
V Съезд жұмысына 42 елден 80 делегация қатысты, олардың ішінде діни және саяси лидерлер, сондай-ақ БҰҰ, ЕҚЫҰ, ЮНЕСКО, Әлемдік ислам лигасы және басқа ұйымдардың өкілдері болды. Қатысушылар қатарында – Иордания Королі Абдалла II, БҰҰ Бас хатшысы Пан Ги Мун, Финляндия Президенті Саули Ниинисте, ЕҚЫҰ Бас хатшысы Л. Заньера және басқалар. Бұл форумның әлемдік аренадағы жоғары мәртебесін айқындайды.
Діндер мен саясаткерлер арасындағы диалог
Съезд діни және саяси лидерлерді бір алаңда біріктіріп, жаһандық бейбітшілік, қауіпсіздік және тұрақты даму мәселелерін талқылауға мүмкіндік берді. Сондай-ақ, діни институттардың жастар тәрбиесіндегі рөлі, БАҚ жауапкершілігі және жаһандық қауіп-қатер жағдайындағы тұрақтылық мәселелері қаралды.
V Съезд Декларациясын қабылдау
Қабылданған қорытынды Декларация бейбітшілікке шақыруды, зорлық-зомбылықтан бас тартуды, діни сенім бостандығы мен сенушілер құқығын қорғауды, жастарды қолдауды және білім беруді насихаттайтын бағдарламалық құжат болды.
Жаңа бастамалар
Мемлекет басшысы Съезд миссиясын жалғастыру мақсатында Бейбітшілік және келісім музейін Достық және келісім сарайында ашуды, сондай-ақ рухани бейбітшілікті нығайтуға қосқан үлесі үшін халықаралық сыйлық тағайындауды ұсынды.
Халықаралық мойындау
Съезд әлемдік қауымдастық тарапынан жоғары бағаланды. БҰҰ Бас хатшысы Пан Ги Мун Съезд барысында Қазақстанның бастамасын әлем үшін діндерді біріктіру үлгісі ретінде атады. Сонымен қатар, Съезд Ватикан, Әл-Азхар, Әлемдік шіркеулер кеңесі және басқа да негізгі діни институттар тарапынан қолдау тапты.
Бөлімде ұсынылғандар:
фотоархив, құжаттар архиві (тұжырымдама, күн тәртібі, бағдарлама, қатысушылар тізімі, баяндамалар, талқылау тезистері), бейнефильм, V Съезд қатысушыларының географиясын көрсететін интерактивті карта.
